2017年9月7日 星期四

《西謊極落:太爆‧太子‧太空艙》 - 由錢而起,因錢而終



錢係萬惡的,上次講過話之你外表如何玉潔冰清,一沾了錢你就注定清純不再。就算你刻意俗氣,經常講錢,也聽得叫人無聊。


西謊極落:太爆太子太空艙 (The Sinking City Capsule Odyssey) (吳漢邦、吳兆麟導) 係向西村上春樹數篇散文的大拼貼:一座叫「太空倉」的竉屋,作金絲串貫起五個男人四段故事。話諷刺時弊,較應景都係貨Van佬阿明 (張繼聰) 和女友Jenny反轉全港九龍新界都搵唔到房去爆,呼應返一年前游蕙禎的扑野都搵唔到房去爆的社會危機。但你知道Jenny係欣宜扮的話,都唔會想這個做左主題;既然689已收皮,莊思敏玩齊昕摑母已玩得太遲;更加唔好講最後淪落到幫權貴擋駕的古惑仔阿鋒 (蔡瀚億) 所戲謔的黑幫幫手清洗太平地已是三年前的事

若果既然住「太空倉」的都係男人,主題也就是講坎坷男人。卻不同上次《一路向西》般同情,而係叫男人們請自我反省:阿鋒盲從一個所謂大佬最後淪為權貴走狗不自知當然不如其偶像陳浩南這也算諷刺港人奴性唔敢獨斷獨行以致闖不出一片天也是共困在這「太空倉」的遠因;瑞昌 (林盛斌) 眼紅舊日獄友有樓有master還會抱得美人歸於是屢設局陷害他盡顯港人鍾意睇人仆街最開心的劣根性周柏豪還真經常扮小男人 (子軒),唔敢向女友 (連詩雅) 大喊那有錢你老母,卻要呃女友扮紐約客以省下一萬元屋租來找卡數。被港女女友背叛,卻中國女人的手都捉唔緊 (雨僑) 為何窮就一定要軟弱做人?

歸根究底,電影由頭到尾真正講緊都係一個錢字:開頭子軒就被外母奚落沒出息沒錢阿鋒夢想做義氣古惑仔卻被大佬利用搵錢瑞昌獄友原本被爆強姦犯往積差點婚事告吹但一條貝沙灣鎖匙令外父一百八十度轉臉、「太空倉」四人組原本各有因要逃亡,但意外救得富家女莊思敏得酬金,甚麼問題都一掃而空,仲無癮過《激戰》或《點五步》的贏一場去掩蓋問題。

你也可為這套辯護,真正好戲還在後頭:「太空倉」四人組得著大把錢原預定各散東西,但同時冧樓也令四人同歸天國也就是諷一個只會講錢的城市正如一群只會吃的豬豬到最後也只會被宰殺如此城市要只到此也該到此為止Why the city is dyingBecause the city should be dying


沒有留言:

張貼留言