喜歡陳果，只因為《香港製造》 (Made In Hong Kong)。
廿年後的4K修復版，固然清晰很多。但當年因用過期菲林已造成的粗糙、迷幻也一併洗走。看到遠去不止這個：九鐵黃頭火車車廂、傳呼機、大哥大，最重要，還是拿起手槍大幹一場，李燦森扮的屠中秋。
電影的轉捩在於中秋行刺兩大陸商人但失敗，不知道若果中秋夠膽開下那一槍會怎樣。只知道那一刻的失手，是注定不被變改的劇情：中秋憎恨其父，屢次拿刀上去，但見其二奶加女兒卻軟下心腸。正如十九年後的《謀殺似水年華》，又係叫秋(收)的男主角要弒父都係失敗：父權對陳果而言係根深柢固難以鬥到，於是香港人係要被自以為我係你老豆的中共食住無力反抗。中秋的大佬就係不甘大陸人來做新主人才想先下手為強，但事與願違，中共君臨天下也就變成了廿年後的現實。
與中秋作一對比係一個學生哥，中秋心軟時，學生哥隨即在他前眼示範如何對自己父親手起刀落，這間接激發中秋結尾的大開殺弒：一九七三年桂治洪的《憤怒青年》沈昌，都係被人迫至走投無路才去玉石俱焚。廿年來，香港人每況愈下，諷刺卻未到最絶望，港人於是像螻蟻苟且偷生。中秋的大報復，係陳果未知那時會到臨的預言，明日即使港人被迫到絶境，但會否仍有中秋的年少氣盛，完全係一個問號。
肯定的是，《香港製造》係一套經典，只因為難以再有。廿年，我們還有失去的，係如中秋翻天覆地的勇氣，中秋那幾槍，看來今世難再，但願來世再見。
沒有留言:
張貼留言